Is cuma cad í an cheist atá agat, gheobhaidh tú freagra beacht anseo. Tuigimid go mbíonn sé deacair tuiscint a fháil ar cad atá le déanamh agus conas é a dhéanamh., Mar sin, tá míniú soiléir le fáil anseo ar na chéad chéimeanna eile atá le tógáil.
Conas Iarratas a Dhénamh
Le SUSI, is féidir leat oibriú amach go tapa agus go héasca cad atá ar siúl maidir le d’iarratas ar dheontas agus cad é an chéad rud eile ata le déanamh. Tá sé chomh héasca leis an ABC.
Iarratas a ThosúMura bhfuil tú cinnte an bhfuil tú cáilithe nó nach bhfuil, bain triail as ár Táscaire Cáilitheachta ar dtús. Freagair sraith de cheisteanna chun tuairim a fháil an bhfuil tú i dteideal deontas mic léinn a fháil nó nach bhfuil.
Má thugann an Táscaire Cáilitheachta le fios go bhféadfá a bheith i dteideal deontas mic léinn a fháil, is féidir leat tús a chur le d’iarratas. An chéad rud atá le déanamh ná cuntas a chlárú sa tairseach mic léinn de cuid SUSI agus ansin, comhlánaigh an fhoirm iarratais agus cuir isteach chuig SUSI í chun go ndéanfar í a mheasúnú. Is rud simplí é tús a chur le hiarratas ach bí cinnte go bhfuil an t-eolas go léir agat roimh ré maidir le do chúinsí pearsanta.
Tar éis measúnú a dhéanamh, gheobhaidh tú litir ina leagfar amach an toradh a bhí ar d’iarratas nó litir seicliosta ina n-iarrfar ort doiciméid a sholáthar chun tacú le d’iarratas. Agus cuimhnigh, is féidir leat súil a choimeád ar an tslí a bhfuil ag éirí le d’iarratas i do thairseach mic léinn de chuid SUSI.